IPL: સુપર ઓવરમાં દિલ્હીએ રાજસ્થાનને હરાવ્યું, સ્ટબ્સે છગ્ગો ફટકારીને અપાવી જીત
Updated: Apr 16th, 2025
GS TEAM
IPL 2025: આઈપીએલ 2025ના 32માં દિલ્હી કેપિટલ્સ અને રાજસ્થાન રોયલ્સ વચ્ચે રોમાંચક મુકાબલો રમાયો હતો. જેમાં દિલ્હી કેપિટલ્સે સુપર ઓવરમાં રાજસ્થાન રૉયલ્સને હરાવ્યું છે. દિલ્હીના અરૂણ જેટલી સ્ટેડિયમમાં રમાયેલી મેચમાં દિલ્હીની ટીમે 20 ઓવરમાં 5 વિકેટ 188 રન બનાવ્યા હતા. જેના જવાબમાં રાજસ્થાનની ટીમે 20 ઓવરમાં 4 વિકેટના નુકસાન પર 188 રન બનાવ્યા હતા, જેથી મેચ ટાઈ હતી અને મેચ સુપર ઓવરમાં ગઈ હતી. રાજસ્થાને સુપર ઓવરમાં 11 રન બનાવ્યા હતા, પરંતુ દિલ્હીએ ચાર બોલ પર જ મેચ પોતાના નામે કરી લીધી હતી. સુપર ઓવરમાં દિલ્હી માટે કેએલ રાહુલ અને ટ્રિસ્ટન સ્ટબ્સ આવ્યા હતા અને સ્ટબ્સે છગ્ગો લગાવીને દિલ્હીને જીત અપાવી. આ જીત સાથે જ દિલ્હીની ટીમ પોઈન્ટ ટેબલમાં ટોપ પર આવી ગઈ. છ મેચમાં પાંચ જીત સાથે તેમના 10 પોઈન્ટ થઈ ગયા છે.
રાજસ્થાન અને દિલ્હી વચ્ચે સુપરઓવર
Source: Gujarat Samachar | Language: Gujarati