GPSCની પરીક્ષાની તારીખમાં ફેરફાર, 19 એપ્રિલે નહી યોજાય પરીક્ષા, જાણો નવી તારીખ
Updated: Mar 30th, 2025
GPSC Exam: GPSCની તૈયારી કરતા ઉમેદવારો માટે મહત્ત્વના સમાચાર આવ્યા છે. GPSCની ભરતી પરીક્ષાની (GPSC Exam) તારીખમાં ફેરફાર કરાયો છે. મદદનીશ ઇજનેર સિવિલ વર્ગ-2ની પરીક્ષાની તારીખમાં ફેરફાર કરાયો છે. હવે, 19મી એપ્રિલની જગ્યાએ 25મી એપ્રિલના રોજ પરીક્ષા યોજાશે. 20 એપ્રિલે પરીક્ષા આપતા ઉમેદવારો પરીક્ષા સ્થળે પહોંચી શકે તે માટે 19 એપ્રિલની પરીક્ષાની તારીખ બદલવી પડી હોવાનું GPSCના ચેરમેન હસમુખ પટેલે જાણકારી આપી છે.
આ પરીક્ષાઓની તારીખ બદલાઈ
જાહેરાત ક્રમાંક 81/2024-25(મદદનીશ ઇજનેર, સિવિલ, વર્ગ-2), 111/2024-25 (મદદનીશ ઇજનેર સિવિલ વર્ગ-2, દિવ્યાંગો માટે) અને 112/2024-25 (નાયબ કાર્યપાલક ઇજનેર, વિદ્યુત, વર્ગ-2)ની સંબંધિત વિષયની 19/04/25ના બદલે 25/04/25ના રોજ યોજવામાં આવશે.
Courtesy: Gujarat Samachar