VIDEO : ઈરાનના પોર્ટ પર ભયાનક વિસ્ફોટ, ચારના મોત, 550થી વધુને ઈજા, જ્વલશીલ પદાર્થોને કારણે સંકટ વધ્યું
Updated: Apr 26th, 2025
GS TEAM
Abbas City Massive Explosion : ઈરાનના બંદર અબ્બાસ શહેરના પોર્ટ પર આજે (26 એપ્રિલ) ભયાનક વિસ્ફોટ અને આગ લાગવાની ઘટના બની છે. આ ધડાકામાં ચાર લોકોના મોત અને 561 લોકો ઈજાગ્રસ્ત થયા હોવાના અહેવાલ સામે આવ્યા છે. અધિકારીઓએ વિસ્ફોટ ભયાનક હોવાનું કહ્યું છે. ઈરાની મીડિયા રિપોર્ટ મુજબ વિસ્ફોટમાં ઈજાગ્રસ્ત થયેલા લોકોની સંખ્યા 561 પર પહોંચી ગઈ છે, જ્યારે ચાર લોકોના મોત થયા છે. ઘાયલોમાંથી અનેક લોકોને હોર્મોજગાન પ્રાંતની હોસ્પિટલમાં દાખલ કરવામાં આવ્યા છે. ઘટનામાં મૃત્યુઆંક વધવાની પણ સંભાવના વ્યક્ત કરાઈ છે.
કન્ટેનરોમાં થયો વિસ્ફોટ
Source: Gujarat Samachar | Language: Gujarati