Grahak Chetna

"Your Voice, Your Power!"

સ્ટેમ્પ એક્ટની કલમ ૬૨-કનો ભંગ કરનારને રૃા. ૨૦૦૦ને બદલે ૧ લાખનો દંડ કરવામાં આવશેે

Spread the love

Updated: Mar 26th, 2025

(પ્રતિનિધિ તરફથી) અમદાવાદ,ેબુધવાર
ગુજરાત સ્ટેમ્પ અધિનિયમ ૧૯૫૮ની કલમ ૬૨-ક (૩)સાથે કલમ ૯-એની જોગવાઈનું પાલન કરવામાં નિષ્ફળ જનારા એટલ ેકે સ્ટેમ્પ ડયૂટી વસૂલીને સરકારમાં જમા કરાવવામાં નિષ્ફળ જનારને કે સરકારને સ્ટેમ્પ ડયૂટીના સંદર્ભમાં ખોટી માહિતી આપનારને ગુજરાત વિધાનસભામાં રજૂ કરવામાં આવેલા ધ ગુજરાત સ્ટેમ્પ એમેન્ડમેનટ બિલ ૨૦૨૫માાં કરવામાં આવનારા દંડ હાલના રૃા. ૨૦૦થી વધારીને રૃા. ૧,૦૦,૦૦૦ (એક લાખ)કરી દેવામાં આવ્યો છે. આ રીતે કરવામાં આવનારો દંડ ઓછામાં ઓછો રૃા. ૧૦,૦૦૦ તો કરવો જ પડશે તેવી જોગવાઈ નવા સૂચિત સુધારા ખરડામાં દાખલ કરવામાં આવી છે. કલમ ૬૨-કની ૧, ૨, ૩માં કરવામાં આવેલી નવી જોગવાઈ પ્રમાણે કેટલાક કિસ્સાઓમાં આ દંડની રકમ રૃા. ૨૦૦થી વધારીને રૃા. ૫૦,૦૦૦ પણ કરી દેવામાં આવી છે. તેમ જ ઓછામાં ઓછી પેનલ્ટી રૃા. ૧૦,૦૦૦ કરી દેવાની ખરડામાં જોગવાઈ કરવામાં આવી છે. દંડની જંગી રકમ રાખીને તે રકમમાં ઘટાડો કરવાની કલેક્ટરને સત્તા આપીને સરકાર ભ્રષ્ટાચાર માટેનો દરવાજો પણ ખોલી રહી છે. દંડની રકમ ઘટાડવા માટે સતત કરપ્શન થતું રહેવાની સંભાવના છે.
 કલમ ૬૨- કનો ભંગ કરવાના પહેલા ગુના માટે રૃ. ૫૦૦નો દંડ કરવાની જોગવાઈ કરવામાં આવી રહી છે.જે તે વ્યક્તિ ગુનેગાર ઠરે ત્યારે તેને રૃા. ૫૦૦૦નો દંડ કરવાની જોગવાઈ દાખલ કરવામાં આવી છે. કલમ ૬૨-કની જોગવાઈનો બીજીવાર ભંગ કરવા બદલ રૃા.૧૦૦૦નો દંડ કરવાની જોગવાઈ લાવવામાં આવી રહી છે. ત્રીજીવાર અને ત્યારબાદ આ ગુનો કરે તો રૃા. ૨૦૦૦નો દંડ અને બે વર્ષની જેલની સજા કરવાની જોગવાઈ દાખલકરવામાં આવી છે. આઘાત જનક બાબત તો એ છે કે જેલની સજા કરવાની સત્તા કોર્ટને છે, પરંતુ આ ખરડા મારફતે આ સત્તા સ્ટેમ્પ અધિકારીને આપી દેવામાં આવી હોવાનું જણાય છે. કલમ ૩૪ હેઠળ કરવા પાત્ર દંડ અત્યારની તુલનાએ દસ ગણો વધારી દેવામાં આવ્યો છે. 

Courtesy: Gujarat Samachar

Leave a Reply

Your email address will not be published. Required fields are marked *