Grahak Chetna

"Your Voice, Your Power!"

રાણાસાંગાને ગદ્દાર કહેનાર સપા સાંસદના ઘર પર હુમલો:આગ્રામાં કરણી સેનાના કાર્યકરો બુલડોઝર લઈને પહોંચ્યા; પથ્થરમારામાં અનેક પોલીસકર્મીઓ ઘાયલ

Spread the love

રાજ્યસભામાં રાણાસાંગાને ગદ્દાર કહ્યા હતા તેવા સપા સાંસદ રામજી લાલ સુમનના આગ્રાના ઘર પર બુધવારે, કરણી સેનાના કાર્યકરોએ હુમલો કર્યો. 1000થી વધુ કાર્યકરો બુલડોઝર લઈને સાંસદના ઘરે પહોંચ્યા હતા. કાર્યકરોએ ભારે તોડફોડ અને પથ્થરમારો કર્યો હતો. આ પથ્થરમારામાં અનેક પોલીસકર્મીઓ ઘાયલ થયા હતા.
કરણી સેનાના કાર્યકરોએ સાંસદના ઘરની બહાર રાખેલી 40 થી 50 ખુરશીઓ તોડી નાખી હતી. મુખ્ય દરવાજો તોડીને અંદર ઘુસવાનો પ્રયાસ કર્યો. કાર્યકરોએ સાંસદના ઘરની બહાર પાર્ક કરેલા 10થી વધુ વાહનોમાં તોડફોડ કરી હતી. ઘટના સ્થળથી 1 કિમી દૂર સીએમ યોગીનો કાર્યક્રમ ચાલી રહ્યો છે.
તોડફોડના બે તસવીરો…
સપા અને કરણી સેનાના કાર્યકરો વચ્ચે ઘર્ષણ કરણી સેનાના કાર્યકરો દ્વારા કરવામાં આવેલા હોબાળાને રોકવા માટે સપાના કાર્યકરો પણ સાંસદના ઘરે પહોંચ્યા હતા. કરણી સેનાના કાર્યકરો સાથે તેમનો ઘર્ષણ થયું હતું. પરિસ્થિતિ બગડતી જોઈને પોલીસે લાઠીચાર્જ શરૂ કર્યો. જોકે, પરિસ્થિતિ હજુ પણ કાબુમાં આવી શકી નથી. જ્યારે અનેક પોલીસ સ્ટેશનોના દળો પહોંચ્યા, ત્યારે પોલીસે કાર્યકરોને ખદેડ્યા હતા.
પોલીસે લગાવેલ બેરિકેડ તોડી નાખવામાં આવ્યા હતા. કરણી સેનાના કાર્યકરો જય શ્રી રામના નારા લગાવી રહ્યા હતા. પોલીસે રસ્તામાં કાર્યકરોને રોકવાનો પ્રયાસ કર્યો. પરંતુ, તેઓ એક્સપ્રેસ વે દ્વારા શહેરમાં ઘુસ્યા હતા. સુરક્ષાને ધ્યાનમાં રાખીને, સપા સાંસદની સોસાયટીના બંને દરવાજા બંધ કરી દેવામાં આવ્યા હતા. પોલીસે સ્પષ્ટ સૂચના આપી છે કે કોઈ પણ વ્યક્તિ ઘરની બહાર ન નીકળે.

Courtesy: Divya Bhaskar

Leave a Reply

Your email address will not be published. Required fields are marked *