પુતિન હવે બહુ થયું, હું બિલકુલ ખુશ નથી: એવું તો શું થયું કે રશિયા પર ભડક્યા ટ્રમ્પ
Updated: Apr 25th, 2025
GS TEAM
Russia And Ukraine War: રશિયા અને યુક્રેન વચ્ચે ચાલી રહેલા ભીષણ યુદ્ધ બંધ કરવા માટે અમેરિકા સતત પ્રયાસો કરી રહ્યું છે. બીજી બાજુ રશિયાએ ગઈકાલે જ યુક્રેનના કિવ પર મિસાઈલ અને ડ્રોન વડે ઘાતકી હુમલો કરતાં ટ્રમ્પ ગુસ્સે થયા છે. અમેરિકાના પ્રમુખ ડોનાલ્ડ ટ્રમ્પે રશિયાના રાષ્ટ્રપ્રમુખ પુતિનને આ યુદ્ધ રોકવા ફરી અપીલ કરી છે.
ટ્રમ્પે સોશિયલ મીડિયા પ્લેટફોર્મ ટ્રુથ પર પોસ્ટ કરી હતી કે, હું કીવ પર રશિયાના હુમલાથી જરાય ખુશ નથી. આ જરૂરી ન હતો. તેમાં તેનો સમય પણ ખૂબ ખરાબ હતો. વ્લાદિમીર હવે બહુ થયું (થોભો)! દર અઠવાડિયે 5000 સૈનિકો શહીદ થઈ રહ્યા છે. ચલો, શાંતિ કરાર કરીએ! રશિયાનો આખા યુક્રેન પર કબજો ન કરવો એ રશિયા તરફથી એક મોટી રાહત છે.
Source: Gujarat Samachar | Language: Gujarati