Grahak Chetna

"Your Voice, Your Power!"

ટ્રેનોમાં મુસાફરોનો કીમતી સામાન તફડાવતા આંતરરાજ્ય ચોરની ધરપકડ

Spread the love

Updated: Mar 27th, 2025

ટ્રેનોમાં મુસાફરી કરતા મુસાફરોની ઉંઘની તકનો લાભ લઈ લેડીઝ પર્સમાંથી ચોરી કરતા આંતર રાજ્ય ચોરને 438.970 ગ્રામ સોનુ, 44,200 ગ્રામ ચાંદીના દાગીના, એક મોબાઇલ ફોન તથા રોકડ રૂપિયા સહિત કુલ કિ રૂા.34 લાખની મત્તાનો મુદ્દામાલ રીકવર કર્યો હતો.
રેલ્વે સ્ટેશન પ્લેટફોર્મ નં 06 રીઝર્વેશન ઓફીસની પાછળથી શકમંદ હાલતમાં રેલવે પોલીસે ઝડપી પાડી તેની પાસેથી 438.970 ગ્રામ સોનુ, 44.200 ગ્રામ ચાંદીના દાગીના, એક મોબાઇલ ફોન તથા રોકડ રૂપિયા, ઇમીટેશન જવેલરી સહિતનો મુદ્દામાલ જપ્ત કરી, વડોદરા રેલ્વે પોલીસ સ્ટેશનમાં નોંધાયેલ જોધપુર બાંદ્રા -સુર્યનગરી એક્સ.માં તથા સુરત રેલ્વે પોલીસ સ્ટેશનના ગાંધીધામ – બાંદ્રા વિકલી એકસ. ટ્રેનમાં તથા જામનગર તિરૂનવેલ્લી એક્સ. ટ્રેનમાં તેમજ પાલીતાણા – બાંદ્રા એક્સ. ટ્રેનમાં બનેલ ચોરીના અનડીટેકટ ગુનાઓનો મુદ્દામાલ પણ જપ્ત કરવામા આવ્યો હતો. વડોદરા રેલ્વે પોલીસનો ૧, સુરત રેલ્વે પોલીસ સ્ટેશનના 3 મળી કુલ 4 ગુનાનો ભેદ ઉકેલાયો હતો.
રેલવે પોલીસે ઝડપી પાડેલા વિકાસ ઉર્ફે સાગર ઉર્ફે વિક્કી ઉર્ફે શેરૂ ઉર્ફે કરણ ઉર્ફે ગૌરવ અરૂણભાઇ નામદેવ રહે.ઇમલીયાગામ, માધવનગર કેમ્પ, માનસરોવર, તા.મુરવારા, જી.કટની મધ્યપ્રદેશ સામે અન્ય રાજ્યોમાં પણ ગુના નોંધાયા હોવાનું જાણવા મળ્યું હતું.

Courtesy: Gujarat Samachar

Leave a Reply

Your email address will not be published. Required fields are marked *