કન્નડ અભિનેત્રી રાન્યાની જામીન અરજી ફગાવી:ગોલ્ડ સ્મગલિંગ કેસમાં બેલ્લારીથી બિઝનેસમેન અરેસ્ટ; દાણચોરી કરેલા સોનાને ઠેકાણે લગાવતો હતો

ગોલ્ડ સ્મગલિંગ કેસમાં ધરપકડ કરાયેલી કન્નડ અભિનેત્રી રાન્યા રાવની જામીન અરજી ગુરુવારે બેંગલુરુ સેશન્સ કોર્ટે ફગાવી દીધી હતી. આ ત્રીજી વખત છે જ્યારે કોર્ટે રાન્યાને જામીન આપવાનો ઇનકાર કર્યો છે. અગાઉ 12 અને 14 માર્ચે કોર્ટે રાન્યાને બે વાર જામીન આપવાનો ઇનકાર કર્યો હતો.
બીજી તરફ 26 માર્ચે ડિરેક્ટોરેટ ઓફ રેવન્યુ ઇન્ટેલિજન્સ (DRI)એ આ કેસમાં બેલ્લારીથી સોનાના વેપારી સાહિલ સાકરિયા જૈનની ધરપકડ કરી હતી. આ ત્રીજી ધરપકડ હતી. સાહિલ પર સોનાને ઠેકાણે લગાવવામાં રાન્યાને મદદ કરવાનો આરોપ છે. કોર્ટે સાહિલને 29 માર્ચ સુધી ડીઆરઆઈ કસ્ટડીમાં મોકલી દીધો છે.
કન્નડ અભિનેત્રી રાન્યા રાવની 3 માર્ચે બેંગલુરુના કેમ્પેગૌડા આંતરરાષ્ટ્રીય એરપોર્ટ પરથી 14.2 કિલો સોના સાથે ધરપકડ કરવામાં આવી હતી. આ પછી તેના મિત્ર તરુણ રાજુની 10 માર્ચે ધરપકડ કરવામાં આવી.
રાન્યાના સાવકા પિતાને કારણ વગર રજા પર મોકલી દેવામાં આવ્યા ડીઆરઆઈએ બેંગલુરુમાં બે જ્વેલરી સ્ટોર્સ પર દરોડા પાડ્યા હતા. આ કેસમાં વીરા ડાયમંડ્સ ટ્રેડિંગ નામની પેઢીનું નામ સામે આવ્યું છે. ડીઆરઆઈના જણાવ્યા અનુસાર, તરુણ રાજુ 2023માં દુબઈમાં વીરા ડાયમંડ્સ ટ્રેડિંગ નામની પેઢીમાં જોડાયો હતો, તે દુબઈમાં વેચવા માટે જીનીવા અને બેંગકોકથી સોનું આયાત કરતો હતો. જોકે, તે બંને તેને ભારતમાં દાણચોરી પણ કરી રહ્યા હતા.
તરુણ રાજુએ જણાવ્યું કે તે ડિસેમ્બર 2024માં વીરા ડાયમંડ્સ છોડીને ગયો હતો. તેણે જામીન માટે અરજી કરી હતી. આ કેસમાં રાન્યા રાવના સાવકા પિતા, વરિષ્ઠ પોલીસ અધિકારી રામચંદ્ર રાવની પણ પૂછપરછ કરવામાં આવી છે. રાન્યાની ધરપકડના થોડા દિવસો પછી અધિકારીને ‘ફરજિયાત રજા’ પર મોકલી દેવામાં આવ્યા હતા. આદેશમાં કોઈ કારણો આપવામાં આવ્યા ન હતા.

Courtesy: Divya Bhaskar