અમદાવાદમાં છથી સાત સ્થળે ફૂડ એન્ડ ડ્રગ કમિશનરની કચેરીના દરોડા
Updated: Mar 29th, 2025
(પ્રતિનિધિ તરફથી) અમદાવાદ,શુક્રવાર
ગુજરાત સરકારના ફૂડ એન્ડ ડ્રગ કમિશનરની કચેરીએ શુક્વારથી અમદાવાદના છથી સાત કેમિસ્ટો પર દરોડા પાડયાા છે. અમદાવાદમાં સિમ્સ હોસ્પિટલ નજીક સુકન મોલમાં આવેલા કેમિસ્ટની દુકાન પર દરોડા પાડવામાં આવ્યા હતા. આ દરોડામાં આંચકીમાં વપરાતી લાવિરીલ -૫૦૦ તરીકે ઓળખાતી અને વાઈ કે આંચકીના દરદીઓને આપવામાં આવતી દવા પકડાઈ છે. તદુપરાંત ગર્બ રહ્યા પછી વારંવાર ગર્ભપાત થઈ જતો હોય તેને ટકાવી રાખવા માટેની દવાઓ પણ આ દરોડામાં પકડાઈ છે. તેમાં નકલી દવાઓ આવી હોવાનું જાણવા મળી રહ્યું છે. આ દવા ડૉક્ટરના પ્રિસ્ક્રિપ્શન વિના અપાતી નથી. પરંતુ તેના વિના જ તેનો વેપાર ચાલી રહ્યો હોવાનું ધ્યાનમાં આવતા દરોડા પાડવામાં આવ્યા છે. અમદાવાદના અન્ય છથી સાત કેમિસ્ટો પર આા પ્રકારે દરોડા પાડવામાં આવ્યા છે.
Courtesy: Gujarat Samachar