મધ્યપ્રદેશના સનૌધામાં પ્રેમપ્રકરણના કારણે ભડકી હિંસા, લવ જેહાદના આરોપમાં તોડફોડ-આગ ચંપી, પોલીસ ફોર્સ તૈનાત
Updated: Apr 19th, 2025
GS TEAM
Madhya Pradesh Violence: મધ્યપ્રદેશના સાગર જિલ્લામાં મોટી બબાલ થઈ છે. લવ જેહાદનો આરોપ લગાવીને એક સમુદાયના લોકોએ બીજા સમુદાય સાથે ઝઘડી પડ્યા હતા. જોતજોતામાં વિવાદ હિંસક થઈ ગયો. ઘટનાથી આક્રોશિત લોકોએ ભારે તોડફોડ અને આગચંપી કરી હતી. ભીડના કારણે કેટલાક ઘરો અને દુકાનોને પણ આગના હવાલે કરી દેવાઈ હતી. ઘટનાની માહિતી મળતા જ પોલીસ દોડતી થઈ હતી. હાલ, સમગ્ર વિસ્તારમાં ભારે ફોર્સ તૈનાત કરી દેવાઈ છે.
મળતી માહિતી અનુસાર, સાગર જિલ્લાના સાનૌધાની એક યુવતી શુક્રવાર રાત્રે ઘરેથી ભાગી ગઈ. તેમના સમુદાય વિશેષના એક યુવક સાથે પ્રેમ પ્રસંગની વાત સામે આવી છે. સવારે યુવતીના ઘરવાળાઓએ વિશેષ સમુદાયના યુવકની શોધખોળ શરૂ કરી હતી. જ્યારે તેમને જાણ થઈ કે યુવક પણ ઘરેથી ગાયબ છે તો લોકોમાં આક્રોષ વધી ગયો. ઘટનાથી ગુસ્સે ભરાયેલા સમુદાયના લોકોએ લવ જેહાદનો આરોપ લગાવતા હોબાળો કર્યો હતો.
Source: Gujarat Samachar | Language: Gujarati